ابتسامة قلب

للاستماع للنص بصوت الشاعر خالد الكثيري

يا هلا والله بالحب ..

يا هلا بالقلب ..

يا هلا والله .. بالغلا كله ..

عرفتك وعرفت طعم السعادة .. اللي كنت أصنفها ضمن قائمة الأوهام ..

لمحتك .. وأعجبت فيك .. من غير ما أعرف مين تكوني !!

أو .. وش هي ردة فعلك لهذا الإعجاب ؟؟

تابعتك .. وراقبتك .. حتى بديت أتعلم أسرارك ..

وخفايا .. خطواتك وتحركاتك .. وكل تصرفاتك ..

تعلمتك مثل ما يتعلم الطفل الحروف الأبجدية ..

وعرفت كل معاني .. 

ضحكاتك .. ونظراتك .. وبسمتك الساحرة ..

لقيت فيك الشفافية .. والعفوية .. والتلقائية بشكل غير طبيعي ..

وبشكل غير طبيعي .. تعلقت فيك بجنون !!

ورغم غروري بالتعامل مع الجنس الناعم من بني جنسك .. 

تقربت منك أكثر ..

تقربت أكثر وأكثر ..

وصرت أتعامل معك بطبيعتي .. من غير تصنع أو تملق

أبيك تكتشفين بنفسك ..

وش أحب .. وش أكره ..

وش اللي يفرحني .. وش اللي يزعلني ..

وتكتشفين كل عيوبي ..

إيه .. اكتشفي كل عيوبي .. 

تراني إنسان .. 

فيني أسرار .. وفيني غموض .. 

اكتشفيه بنفسك ..

أبيك تكتشفين الإنسان ..

اللي رغم حزنه .. وكآبته .. وضيقته .. يبتسم ..

وهذا سر من أسراري ..

وعلى فكرة ..

كثير اللي يحاول يكتشف سر ابتسامتي الدائمة ..

ومحاولاتهم كلها .. فشلت !!

كل المحاولات فشلت .. لأن الابتسامة تزيد مع الأيام ..

تزيد .. بوجودك في حياتي .. يا حياتي ..

إنتي اللي خليتيني ابتسم .. ابتسامة من القلب ..

وبالأصح .. 

خليتيني أتجمل .. وأتزين .. 

وأتحلى باتسامة قلب .. وأتباهى .. بابتساماتي ..

وخليتيني أظهر ملامح الفرح .. والسعادة .. والانبساط ..

رغم اللي فيني من اليأس والاحباط .. 

وصرت مبسوط ..

مبسوط بحبي لك .. 

وأحبك لذاتك .. لشخصك .. لكيانك ..

وأحبك لكل ما تحمل هالكلمة من معنى ..

ومشاعري لك تفوق الحب .. والعشق .. والهيام .. 

وتوصلني لقمة الجنون ..

تدرين !!

من جنوني ..

قاعد أسولف مع نفسي ..

وأتخيلك معي ..

وكل الكلام اللي قاعد أقوله هالحين ..

أقوله بيني وبين نفسي ..

لأني ما أقدر أتكلم .. بحضورك !!

بحضورك ..

كل الحروف .. والكلمات تتبعثر .. من جمالك .. وأتعلثم ..

وينعقد لساني ..

وإن جيت أعبر لك عن الحب .. 

عن المشاعر .. والاحساس ..

ما أقدر أقول إلا ..

أحبك .. أحبك .. أحبك وكفى !!