للاستماع للنص بصوت الشاعر خالد الكثيري
كل اللحظات الجميلة .. أحبها ..
إلا هذي اللحظة !!
أعشقها بجنون ..
اللي تجمعني ..
أنا .. والليل .. وثالثنا خيالك !!
خيالك وفي ..
أوفى منك .. بكثير ..
ما يعرف البعد .. ولا يفارقني ثواني ..
يرافقني في حلّي .. وإرتحالي ..
يرافقني بصحوتي .. وبمنامي ..
اهو ظلي .. وأنا ظله ..
وليتك ..
ليتك ..
ليتك مثله !!
ليتك مثله .. دامك الأساس والأصل ..
ليتك مثله .. لكنك ما تعرفين الوصل ..
تغيبي أيام ..
وفجأة ..
تجيني بلهفتك .. تقولين وينك ؟؟
وأنا المفروض .. أكون وسط عينك ..
ولكن!!
ولكن العشق أعمي .. وكل قلب (ن) وسط بحر الغرام يظمأ ..
وأنا العاشق .. أنا الظامي ..
وإحساسك معي .. كاذب !!
إحساسك معي كاذب ..
لأنك لو معي توفين ..
ما تركتيني أحتاج ..
ولا تركتيني أشتاق ..
ولا تركتينا ..
أنا .. والليل .. وثالثنا خيالك !!
حبيت خيالك أكبر من حبي لك ..
ومن كثر حبي له .. صرتي بعيني غريبة ..
غريبة .. في كل شيء ..
في حياتي ..
في دنيتي ..
وباحساسك معي .. وحتى في طباعك ..
غريبة حيل بأطباعك .. غريبة وقلبي مستغرب
تحبيني .. وتغيبي أيام .. وفجأة تحنّي لوصالي
*** ***
تدقي القلب بدقات (ن) .. أنا منها بديت أتعب
تلوميني إذا صديت .. تحسبيني بهواك سالي
*** ***
وأنا اللي أسهر بليلي .. على فراشي وأنا أتقلب
أهيم بعالم العشاق .. مع اللي شاغل (ن) بالي
*** ***
أظن طيفك معي وافي .. أحبه حيل وهو ينجب
ومن زود الوفا أمسيت وأنا أتسأل عن أحوالي
*** ***
يا كيف أعشق هوى قلب تركني أبحر بمركب
حرمني من مجاذيفه .. وطبعه من الوفا خالي
*** ***
وجا الوقت اللي علمني .. فروق القلب والمقلب
مدام الحب لأمثالك .. مجرد لعبة وتسالي !!
تسليتي ..
تهنيتي ..
والله يزيدك هنا في عمرك .. ودنياك ..
وأنا مكتوب لي .. أبقى ..
أنا .. والليل .. وثالثنا خيالك !!
إرسال تعليق