وينك !!

للاستماع للنص بصوت الشاعر خالد الكثيري

وينك ..

إيه .. إنت وينك ؟؟

تدري ..

إذا شرقت عليّ الشمس ..

وعيني ما رأت عينك ..

تفز بخافقي نبضة ..

ويثور إحساسي المخفي ..

وبليّا حس .. بليّا حس ..

أقول .. وينك ؟؟

وين اللي حط في عيني ..

جمال الكون وألوانه ..

وين اللي غارس (ن) فيني ..

جذور الحب وأغصانه..

وين اللي غربّل أوقاتي .. 

جعلني أحتري اللحظة ..

وكل لحظة .. يمر الوقت من دونك ..

بليّا حس .. بليّا حس ..

أقول .. وينك ؟؟

أحس ..

أحس بغيبتك .. 

تغيب ..  وتغرب كل شموس الكون ..

وأعيش الليل .. عذاب وويل ..

وكتلة من السكون تحوم .. بإحساسي ..

وفي عز الصمت .. 

تراوا لي صدى صوتك

مع أنفاسي ..

وأنا أتلفت .. 

وأنا أتلفت .. بليّا حس .. 

وأقول .. وينك ؟؟

وينك ..

إيه .. إيه أنت .. وينك ؟؟